नेपाली हास्यव्यङ्ग्य अनलाइन पत्रिका

ज्ञानुवाकर पाैडेल :

ख्याल ख्यालमै आँखा कसरी चार भयो होला !
जीत भयो कि कुन्नी हाम्रो हार भयो होला !!

थिएँ पुजारी म केवल तिम्रो त्यो मोहक रूपको !
मेरो हैन, कलुषित बरु तिम्रै विचार भयो होला !!

फुट्यो होला पहिले हामी दुवैको संयमको बाँध !
सानो सियो त्यो अनि पो त तरवार भयो होला !!

छिया छिया जो पारेथ्यौ तिमीले मेरो यो मुटुलाई !
बाँडि लिन्छु भन्नेहरू भन कति तयार भयो होला !!

हुनै नपाइ फेरि सुरू हिजोआज उज्यालोको चर्चा !
रातको त्यो कालिमा कुन्नी कहाँ फरार भयो होला !!

लुटिन थालेपछि इज्जत अचेल दिउँसै चेलीको यहाँ !
नाहक किन बदनाम सधैँ त्यो अन्धकार भयो होला !!

०००