नेपाली हास्यव्यङ्ग्य अनलाइन पत्रिका

युवराज भण्डारी :

१.
धरोधर्म, कल्पवृक्ष ढाल्न खोज्नुको कारण बुझिएन
पहिचानको विनाश थाल्न खोज्नुको कारण बुझिएन
परा अपरा दुवै दृष्टिले पवित्र शाश्वत ध्वनि हो ओम
शब्दकोषबाट ॐ फाल्न खोज्नुको कारण बुझिएन ।

२.
मझधारमा परेको जीवन तिर खोज्दै हिँड्छ
खाएका ठक्कर बिर्सेर नजिर खोज्दै हिँड्छ
आइरहेको छ कहाँबाट सुवास यति मीठो ?
भित्र खोज्दैन कस्तूरी बाहिर खोज्दै हिँड्छ ।

३.
गङ्गालाल धर्मभक्त अनि भीमसेन चाहिन्छ
अमरसिंह र बलभद्रको जस्तो देन चाहिन्छ
युवा जागरणको लहर चल्नुपर्छ देशैभरि
टोल टोलमा अब एउटा बालेन चाहिन्छ ।

०००

टोरन्टो, क्यानडा