नेपाली हास्यव्यङ्ग्य अनलाइन पत्रिका

बालकृष्ण खनाल :

१)
धेरै सोझा भएर होला जनताले पीडा भोग्नु पर्छ।
अब उठ साथी हो यी दलाल हरूको ठोक्नु पर्छ।।
कोसी बेचे कर्णाली बेचे महाकाली पनि बेचेर खाए।
देशै बेच्न बेरछैन अब यिनी माथी जान रोक्नु पर्छ।।

२)
जसले देशको बर्बादी चाहन्छ।
उहीँ देशमा सबैभन्दा महान्छ।।
यहाँ इमानको कुनै अर्थ छैन।
यहाँ त वैमानलाई सम्मानछ।।

३)
संसारकै भेदभाव रहित हाम्रो सम्विधानछ।
व्याभारमा भेदभावले जनता हैरानछ।।
गणतन्त्र त ल्याए जनताका छोरा शहीद बनेर।
तर यहाँ अझै पनि उनै सामन्तको पहिचानछ।।

०००
टिकापुर, कैलाली