नेपाली हास्यव्यङ्ग्य अनलाइन पत्रिका

१.भतुवा

भजन गाउनेहरू गाऊ परचक्रीको तलुवा चाटेर
पूजन लाउनेहरू लाऊ क्रुर झाँक्रीको चँदुवा टाँगेर
समयलाई थाहा छ भजने पुजारीले मन्दिर हत्याउँदैन
पुच्छर डोलाउनेहरू डोलाऊ परभक्तिको भतुवा बनेर ।

२.अन्तिम निर्णय

माटोप्रति गल्ती गर्नेहरू जल्छन् समयको भुङ्ग्रोमा
माताप्रति लात्ती हान्नेहरू ढल्छन् विलयको ढुङ्ग्र्रोमा
पर्खनु छ सूर्य र चन्द्रले अन्तिम निर्णय सुनाउने दिन
भ्राताप्रति छिर्की मार्नेहरू मिल्छन् इतिहासको मुङ्ग्रोमा
काठमाडौं