नेपाली हास्यव्यङ्ग्य अनलाइन पत्रिका

याेगीश कृष्ण :

मुल्ला नसिरुद्दीनकी पत्नी स्वादिलो मासु पकाउन साह्रै सिपालु । एक दिन मुल्लाले एक किलो मासु किनेर ल्याएर पकाउन दिए। उनी केही समयका लागि घर बाहिर गए।

त्यहीबेला मुल्लापत्नीका सहेलीहरू घर आए । मासु चाख्दा चाख्दै भाँडो रित्तियो ।

फर्किएर खाना खान बस्दा भागमा मासु देखेनन् । पत्नीले स्पष्टीकरण दिइन् “सब मासु बिरालोले खाइदियो ।”

जुरुक्क उठेर मुल्लाले बिरालोलाई तराजुमा राखेर जोखे – एक किलो रहेछ । मुल्लाले सोधे “यो बिरालो हो भने मासु खोइ ? यो मासु हो भने बिरालो खोइ ?”

रास्ट्रपतिले अदालतलाई उत्तर दिँदै तत्कालीन प्रधानमन्त्री केपी ओलीको सिफारिसमा सुशीला कार्कीलाई प्रधानमन्त्री नियुक्त गरेको जनाए । प्रचण्डको भनाइ पनि त्यही ।

यदि सिफारिस गर्ने केपी ओली हुन् भने मैले सिफारिस गरेको होइन भन्ने को हुन् ? यदि यी केपी ओली हुन् भने सिफारिस गर्ने केपी ओली को हुन् ?

०००
काठमाडाैं