सुरेशकुमार पाण्डेसरकारमा विदेशीकै दास
भोको पेट त यही कविले पनि लेख्न सक्दैन सधैं, पेटमा दाना–पानी पुगेपछि बल्ल साहस आउँछ ।
सुरेशकुमार पाण्डे :
विदेशबाट नागरिक लिएर आफ्नै लाश आउँछ,
धेरै कमायो भने लिएर एउटा बस्ने बास आउँछ ।
देशभित्र ठुलठुला पहिरो जान्छन् अप्रकृति पनि,
राहात पनि नेताहरूकै नाउँमा धन खास आउँछ ।
नागरिकले भोट दिए पनि सरकार बनाउँछ कसैले,
उनैका इसारामा जहाजबाट सुनको रास आउँछ ।
गरीब मजदुरले ज्यान जोगाउँनै गारो छ आफ्नो,
आर्कालाई कामले खुशी पारेर खाने गास आउँछ ।
भोको पेट त यही कविले पनि लेख्न सक्दैन सधैं,
पेटमा दाना–पानी पुगेपछि बल्ल साहस आउँछ ।
जनता हामी आपसमा नलडौँ नेताका झोले बनी,
जति लडे पनि सरकारमा विदेशीकै दास आउँछ ।
०००
४।८।२०२३
दाङ
Subscribe
Login
0 Comments
Oldest
