नन्दलाल आचार्यबस्ती छिर्छन् फेरि…
भोटको खेती सकिएपछि, फेरि फर्किएर आउन्नन् मुटु घोच्छन् सियो बनी, सुहागका पाला ओढेर ।
नन्दलाल आचार्य :
बस्ती छिर्छन् फेरि यहाँ, बाघका छाला ओढेर
जनता डस्न आउँछन् ती, नागका काला ओढेर ।
कौडीको छैन मोल तर, हिराको चमक बेच्छन्
रित्तो थाल पस्किदिन्छन्, सागका माला ओढेर ।
चुल्हो निभ्यो झुपडीको, देश नै धुवाँ भइसक्यो
उनीहरू रमाउँछन् सधैँ, आगाेका ज्वाला ओढेर ।
बार्दलीबाट इसारा छ, आकाशका जून झार्ने
भुइँमा भने हिँड्छन् उनी, त्यागका चाला ओढेर ।
भोटको खेती सकिएपछि, फेरि फर्किएर आउन्नन्
मुटु घोच्छन् सियो बनी, सुहागका पाला ओढेर ।
०००
२०८२ माघ २९ गते
सिद्धार्थटोल, उदयपुर ।
Subscribe
Login
0 Comments
Oldest
