अन्जु शर्माचार ठोक्तक
पातमाथि फूल्ने फूलको, जात धेरै हुँदा रैछन् आज एउटा भोलि अर्को, बात धेरै हुँदा रैछन् सर्वहारा भन्दा पनि सरमहारा बढ्दै गएसी देखाउने भन्दा यहाँ लुकाउने हात धेरै हुँदा रैछन् ।
अञ्जु शर्मा :
१.
सिंहदरबारमा बाघधारी बिराला कराउँदा रहेछन्
बालुवाटारमा हुँडार र स्याल कराउँदा रहेछन्
के को हल्ला रहेछ भनी जनताले कान ठाडा पार्दा ?
एयरपोर्टमा भित्रिएको सुन बाँड्ने मन्त्र सुनाउँदा रहेछन् ।
२.
सरकारमा पुग्नेहरू कहिले हिमाल बढाउँछन्
कहिले देशको नक्सामा भूगोल बढाउँछन्
बढाउने खेल पनि बिचित्रकै पो छ !!
आम्दानी भन्दा कयौं गुना ऋण बढाउँछन् ।
३.
सदनमा कुटाकुट भट्टीमा, पेगसंग खसीको साँप्रो
छैला, कचिला र भुटनसँग, खल्पी हालेको काँक्रो
भुईंमा म्यारिज, हातमा टनेला बजाएर बाह्र
बजेट त आउनै हुन्न, झगडाले फुलाउँछन घोक्रो ।
४
पातमाथि फूल्ने फूलको, जात धेरै हुँदा रैछन्
आज एउटा भोलि अर्को, बात धेरै हुँदा रैछन्
सर्वहारा भन्दा पनि सरमहारा बढ्दै गएसी
देखाउने भन्दा यहाँ लुकाउने हात धेरै हुँदा रैछन् ।
०००
रातो पुल, काठमाडौं
Subscribe
Login
0 Comments
Oldest
