नेपाली हास्यव्यङ्ग्य अनलाइन पत्रिका

भाेजराज रेग्मी ‘मुखाले’ :

१. ठ्याँस्ने
मास्तलामा जात्रा गर्छन् , दल बहादुर
भुइँतलामा मुर्छा परुञ्जेल भेडाहरू हाँस्ने
ब्वाँसाहरूले खुट्टी घुमाई सिकार गरिरहने
खुकुरीको दापमा चाहिँ भुत्लाहरू टाँस्ने
यसै गरीगरी साइँदुवाहरूले जुग बिताइसके
कहिले होला अधमहरूलाई जरैदेखी मास्ने !

२.
चुकुल बिग्र्या चर्पीभित्र सुसेल्दा सुसेल्दै गायक भइएछ
टिकटकमा नखरा पार्दा पार्दै घाग्डान नायक भइएछ
गर्नै नहुने कामहरू गर्दागर्दै राष्ट्रिय डन घोषित भएपछि
मास्तलाका महामनुवाहरूले हत्ते हाल्ने लायक भइएछ ।

३.
कसैले पनि नसक्ने कस्तो हिसाब आयो
मैँ हूँ भन्ने मपाइँहरूलाई पनि तुर्तुर पिसाब आयो
लथालिङ्गेहरूको भताभुङ्गे राजमा
एकथोक रोप्यो भने अर्कै थोक फल्दोरैछ,
सतीको सवालको जङ्गे जवाफ आयो ।
०००
पेप्सीकोला